Ut Overgerdien speelt jubileumshow: Geit Ut Door?

Ut Overgerdien speelt jubileumshow: Geit Ut Door?

De Heldense groep Ut Overgerdien bestaat 15 jaar en viert dat jubileum komend najaar in Theater Dok6 in Panningen met drie voorstellingen.

De zes dames maakten lokaal furore door deelname aan de liedjesmiddagen en vastelaoveszittingen in Helden. Voor de drie jubileumvoorstellingen op zondagmiddag 29 september, donderdagavend 31 oktober en vrijdigavend 1 november zijn nog (enkele) kaarten. Hieronder 15 jaar Ut Overgerdien in een notendop:

The story of.......Ut Overgerdien oeht Helje-Dorp

Ut is 2003. Zangroep In Between is net opgerich en un aantal Dorpse maedjes liekt het wal leuk um as afvaardiging van In Between met te doon aan de Dorper Liedjesmiddig. Marijke sjrieft un liedje en de maedjes sjrieve zich in onger de naam Ut Overgerdien want det is immers de dialectnaam veur In Between (auch un gerdien).

De zuskes Marijke en Angelique, sjoenzus Francis, Marijke, Len, Nicole en Elise oefene op ut erste liedje wat wae neet laote huure....

De erste liedjesmiddig met Ut Overgerdien bevelt good en muzikale Carla kump auch beej de groep. Marijke sjrieft de evergreen Mosse Kieke en Ut Overgerdien wint in 2005 de liedjesmiddig in Dorp en vertegenwoordigt Helje-Dorp beej het P&M-liedjesfestival. En auch dao in Egchel wint Ut Overgerdien de 1e pries!

Jaor nao jaor sjrieft Marijke stieds op wisselende muzieksoorten een komische tekst. Dan is het Grieks, dan Rock en roll en dan unne wals. Ut Overgerdien zingt alles. Kwaliteit steit veurop en alles mot kloppe; dus tekst, meziek, bijpassend denske en een passende outfit woord zelf bedacht en soms met get hulp inein geneijd.

Veur de opnames van het liedje moste wae stieds nao 'der Lei' in Kerkrade. Op zien kleine kaemerke waor hae zien studio haet passe mer 4 Gerdiene. Dus de angere 4 moste urges in Kerkrade koffie gaon drinke terwiel de angere 4 Gerdiene beej Lei aan het inzinge ware. As de erste 4 sjtumme erop staon zien de volgende 4 aan de beurt. Daonao ginge wae in trint altied nog efkes winkele beej Ikea.

Oeht os liedjesprogramma bringe wae in de veurstelling de evergreen Mosse kieke en ozze Vastelaovesaria.

Ut is inmiddels 2010. Doordet wae auch dukker de liedjesmiddig wonne of de presentatiepries, mochte wae mitdoon oppe Dorper Zittinge. En umdet ozze liedjes altied kleine shoowtjes ware vraog de Zittingscommissie of wae neet ens een act van 10 minuten oppe Zittinge woeje doon. Wer ginge wae brainstorme en tekste sjrieve en makde wae - net zoe-as de Bretelboys det altied deeje - un liedje speciaal over en veur de neije Dorper Prins. Inmiddels ware Len en Nicole gestopt beej Ut Overgerdien en ginge de overgebleven 6 Gerdiene zich storte oppe Zittingen.

Oeht ut programma van de Dorper Zittinge bringe wae, inmiddels auch un klassieker, The States en Mama.

Nao 2 (of 3?) jaor met de Zittinge met te hebben gedaon en stiekum stieds un bietje mier tied te hebbe gevraogd krege wae stieds dukker te huure desse ozze liedjes eigelijk in ut theater zoejs motte bringe. Mer ja, wae 6 maedjes? In ut theater? En un programma van 1,5 oor is toch hiel get angers as un stukske oppe zittinge van pakweg un keteerke.

Elise is gaon praote met Dok6 Theater en de toenmalige directeur hej der wal oere nao um os te boeke veur 2 aovende in Dok6.

En dus ginge wae de oehtdaging aan um volledig op eige kracht de aovendvullende theatershow 'Blej met uch' te make. Wat hebben we gebrainstormd, ideeje geopperd en wer net zoe hel doorgestreept, tekste gesjreve, melodieje gemakt, choreo bedacht, opstellinge, changemente, licht- en geluidsplan, dreijbeuk vol en vooral oefene, oefene, oefene en hiel veul lache!

De 2 aovende beej Dok6 in 2014 ware un groet succes en zoe snel oehtverkoch det wae un paar waeke later nog unne oehtverkochte aovend hebben gespeuld.

Det smakte nao mier en in 2016 hebben wae met os neije theatershow 'Koffers' mer leefst 4x in Dok6 gespeuld met wederom hiele sjoene reacties van os publiek.

Oeht os 1e 2 theatershows bringe wae get hoegtepunte. Ziet gae dao beej gewees dan geniet er nog ens van en heb gae os nog noeijt gezeen? Maak dan kennis met het theaterprogramma van Ut Overgerdien.

In de pauze nao dit erste blok traktere wae de minse gaer vanwege os 15-jaorig bestaon op un drenkske en dan gaon wae nao de pauze wiejer mit ut 2e dael van de veurstelling.

Logo 1Limburg