Wieërter Vastelaovendjlidjesfestival

Weert

De Weerter vastelaovesvereniging De Rogstaekers komt met een nieuwe opzet voor een jaarlijkse vastelaovesliedjeswedstrijd. Ook componisten, tekstschrijvers en zangers uit de kerkdorpen van de gemeente kunnen voortaan meedoen.

Wieërter Vastelaovendj Lidjesfestival

Op zoondig 4 november weurtj beej Theater de Huiskamer ’t Wieërter Vastelaovendj Lidjesfestival gehaoje. De aanpak doeër de now organisatie van dit festival wêrptj zien vruchte aaf. D’r zeen mèr leefst 11 lidjes ingesteurdj. Dieës lidjes waere live gezoonge mét ‘ne meziekbând dae gemaaktj és doeër studio Difference.
Gae kuntj de lidjes inne loûp vanne middig twieë kier huuëre. Aan ’t îndj vingtj de zjurieëring plaatst en gae kuntj, same mét ’n deskundige jury en ’n dillegatie van Wieërter vastelaovendjvereîniginge, mejdoon. De winnaar moog zich dan dé Wieërter vastelaovendjschlager 2019 neume. De prizzentatie van dieëze muzikale middig és in hang van Ronald & Carien. ‘t begintj klokslaag 15.00 oor en de towgângk és gratis en vör niks.

17 augustus 2018

D'r keumtj in Wieërt 'n now Vastelaovendjlidjesfestival. Neet allein vör de stad, mer ouch vör Bosseve, Laor, Muuëlenakker, Beest, Luuëke, Groenewoud, Tungeler, Zwertbrook, Rooj, De He-j, Graaswînkel, Moesel en Kieëntj. Vorst Stan geuftj uutlègk:

Vastelaovendj en meziek zeen onlosmakelik met d’eindânger verbônge. Jaorelânk hieët V.V. de Rogstaekers dan ouch ’n lidjesfestival georganizieërdj um ’t make van Vastelaovendjlidjes te stimulieëre en d'r vör te zörge dét d’r eder jaor weer ‘ne Vastelaovendjschlager oppe bühne kwoom.

Aan det streve és niks verângerdj. Waal hebbe vae d’r vör gekoeëze um de organisatie van ’t festival en ouch ’t nieërzette van ’t Vastelaovendjlidje uut hang te gaeve aan ‘ne groep enthousiaste en kundige minse di-j groeëte affiniteit hebbe met Vastelaovendjmeziek.

Daome-j wille vae oongerstuuëne dét ’t lidje dét uuteindelik as winnaar uut dit Festival keumptj, ’t Vastelaovendjlidje van HIEËL WIEËRT és en daome-j neet allein van oeës vereiniging.

’t Mot vör de schriêvers en uutveurendje ‘ne stimulâns zeen dét ze, naeve ’t opneme van ’t lidje beej studio Difference ouch 'n podium geboeëje kriêge in hieël Wieërt. Dus neet allein beej aktiviteite van oeës vereiniging, mér ouch inne wiêke en boeteni-jje.
De now organisatie stuktj daonaeve vol tiêd in ’t stimulieëre van ’t laote huuëre van ’t lidje in de horeca en de binnestad. M.a.w. de schriêvers en uutveurendje kriêge nog mieër ieër van heur wêrk.

Met vol vertrâwwe kieke vae dan ouch uut nao de 1e editie van ’t Wieërter Vastelaovendjlidjesfestival op
zoondig 4 november in 't theaterkefee van de Huiskamer. Vae nuuëje tekstschriêvers, komponiste en uutveurendje uut um zich vuuër 1 september in te schriêve oppe site www.wvlf.nl um d’r zoeë vör te zörge dét dae nowwe opzet ouch echt ’n succes gieët waere.

Met ‘ne Laeve de Rog Vivat oeës Wieërt

Vorst Stan

Info

Waar: Weert - theaterkefee van de Huiskamer

Wanneer: zondag 4 november 2018 van 15:00 tot 19:00

Terug naar evenementen