Wieërter Vastelaovendj Lidjes Festival

Weert


WVLF 2020 gieët doeër!

In ein ongerling oeëverlegk hieët de Stichting WVLF (Wieërter Vastelaovendjlidjes Festival) besloeëte det 't kaomendje lidjesfestival op zoondig 1 november a.s. in Theater De Huiskamer doeërgieët.
In welke vorm precies zaal aafhânge vanne situatie op det memênt. D'r zulle in eder gevâl alle RIVM-richtlieëne in acht waere gehaoje. Haodj heejvör Facebook en oeës website inne gaâte.

Aanmeldje:
Tekschriêvers en artieste kunne zich inschriêve tot 1 september 2020 via ronald@wvlf.nl
Eur lidje hooftj dan nog neet ingelieëverdj te zeên. Det kân tot 1 oktoeëber.
Zeeje artiest, wildje gaer métdoon, mer hejje geîn lidje of meute met schriêve. Neemtj dan gerösj kontakt op met de Stichting WVLF. Ze hebbe genog kanale um uch op wieëg te hêllepe. Aafzonderlikke tekstschriêvers kunne zich neteurlik ouch melde.

Waat kujje winne:
Allerieërst is 't winnedje lidje dé vastelaovendjschlager van hieël Wieërt v'r sezoên 2020-2021. De Fried van Doeëre Wisseltrofee moog dan ein jaor beej uch oppe schouw staon. Ouch wuuërtj d'r van 't winnendje lidje ein volledige produksie gemaaktj beej Studio Difference. Dit alles és op tieëd klaor v'r inzendig nao provinciale en regionale lidjewedstrijde. Wieter wuuërtj d'r höllep gebooje beej 't maâke van eine clip, as dejje det wiltj. Via de website zeen ouch de blaozersperti-jje v'r de kepélle gratis te downloade. Ouch stieët de Stichting WVLF in nauw kontakt met diverse podia van alle Wieërte vastelaovendjvereiniginge, wao ein optraeje v'r de winnar geregeldj kan waere.

Dus... zeeje vastelaovendjartiest of tekstschriêver, of zoodje dit altieëd al wille waere? Griêptj dan now di-j kâns en schriêftj uch in v'r 't WVLF 2020! Ein inschriêfformeleer en 't reglemênt zeên binnekort te downloade via de website www.wvlf.nl

Info

Waar: WEERT

Wanneer: zondag 1 november 2020 van 15:00 tot 18:00

Website: www.wvlf.nl

Terug naar evenementen