Voorselectie Liedjesmatinee De Wortelepin Blerick

Venlo

Zóndaag 27 September / Liedjesmatinee

Wils dich ouk schittere met ’n Vastelaovesliedje beej de Wortelepin?

’t Vastelaovesseizoen 2020 leet weer achter ós en de veurbereidinge veur ’t nieje seizoen 2021 zien óndertösse alweer in volle gank.

Gaer wille weej zangers, schrievers en komponiste oetnuuedigen um ein of mierdere liedjes in te steure. Laot óg inspirere door ’t nieje motto “Weej zien d’r klaor veur!

Heb se zelf gen of weinig ervaring, maar wil se waal gaer meidoon, neem dan gerös kóntak met ós op. D’r staon ’n aantal ervare minse klaor um óg daomei te helpe, beejveurbeeld beej ’t schrieve van de teks of ’t oetwerke van de melodie. Beej ’t make van de muziekband of ’t benadere van zangers, kinne weej ouk bemiddele.

Weej vraoge idderein dae ’t leuk vindt um mei te doon aan ‘t Liedjesmatinee um zich in te schrieve.

De veer winnende liedjes waere dit jaor opgenaome in ein van de studio’s van Marlstone.

Dich bepaols same met de arrangeur welke oetstraoling des se aan ’t liedje wils gaeve, wat ouk van invloed kin zien op de invulling van de begeleidingsband. Door veur Marlstone te kieze haope we det de Bliërickse liedjes veur ’n breijer Limburgs publiek toegankeliker waere.

Belangrieke data veur deilname 2020:

  • Sloetingsdatum inschrieving: 10 augustus 2020
  • Inlevere gevraogde bestande via internet (Wetransfer), e-mail of CD: 10 augustus 2020
  • Rippetitie veurselektie: dónderdaag 20 augustus 2020
  • Veurselektie: maondaag 24 augustus 2020
  • Liedjesmatinee: zóndaag 27 september 2020

Info

Wanneer: maandag 24 augustus 2020 van 19:00 tot 23:00

Terug naar evenementen