Vastelaoveswanjeling 11de van de 11de 2018 Remunj

Roermond

Vastelaoveswanjeling 11de van de 11de 2018

De 11de v/d 11de is eine datum dae edere vastelaovesvierder rood,gael en greun haet ómcirkeld en wo al waeke nao waerd oetgekeke: de äöpening van ’t nuuje vastelaovessezoen.

Op dae daag, zondaag de 11de november, organiseert de VVV, óngerleijing van eine ervare sjtadsgids én vastelaovesvierder in hèrt en nere, ein vastelaoveswanjeling wodet geer kinnes kint make mit vastelaovend en vastelaovesmonumente in de Remunjse binnesjtad.

Mer ouch mit vastelaovesmomente op dae daag van de 11de van de 11de .

Verzamele op zondaag 11 november óm 10.33 oere oppe Mert, biej ’t VVV-kantoor.

Laot uch verrasse en loup mit in de 7 x XI minute doerende wanjeling wodet geer verhaole kint heure én ‘zeen’ van de tradiesiejs van de Remunjse vastelaovend!

Netuurlik kalle veer dan plat-Remunjs. Dé waerd allein Remunjs gesjpraoke euver Vastelaovesmonumente én vastelaovesmomente

(die d’r op de 11de van de 11de te zeen en te belaeve zeen).

VVV Remunj, 0475-335847/www.vvvmiddenlimburg.nl

Info

Waar: Markt Roermond

Wanneer: zondag 11 november 2018 van 10:33 tot 12:00

Terug naar evenementen