Nomineer de groëtste Vastelaovesgek dae se kins um Thoés Nar te waere. Weej zeuke 3 Thoés-hoéghede die 3 daag lang wille regere euver alle hoéshaldens in de gemeinte Venlo. Netuurlik waal op ein veilige en coronaproof meniér!

Nominere!

De kins vanaaf 11-11-20 emus nominere. En ‘t moeïe is, idderein kin Thoés-Nar waere. Jôngk en ald, diék of dun, jong of maedje…
Weej kieze oét alle inzendinge 3 minse die 3 daag thoés-nar meuge zien. Vul onderstaond formulier in en laot ôs weite wae volges dich Groët Venloosche Thoés Nar môt waere.

3 daag, 3 weekende

De 3 weekende veur de Vastelaovesdaag regere de thoés-narre. De Narre kriege ein 3 daags-corona-proof thoés-programma aangebaoje.

• Weekend 1: vriédaag 22 t/m zondaag 24 jannewarie 2021
• Weekend 2: Vriédaag 29 t/m zondaag 31 jannewarie 2021
• Weekend 3: Vriédaag 5 fibberwarie t/m zondaag 7 fibbberwarie 2021

Netuurlik deene alle gezinsleeje, inclusief d’n hoésheid, zich te halde aan ‘t Vier Veilig Blief Gezond Reglement. Oétgangspunt is det we ós aan alle geldende RIVM-regels halde!

Programma-onderdeile

-Oétroope en installatie
-Te gas in radio-oétzending Top 33
-Digitale felicitasieborrel thoés (vrinde & bekinde kinne van te veure felisitasies insteure)
-Thoés-Narre-zitting & bal (eventueel mit 3 vrinde)
-Veurdrage speech, proklamasie & eige motto aan onderdane
-Thoés Narre Brunch
-Miniatuur Narrewage bouwe (veur deilname Oelesoptoch)
-Persuunlikke top 9 samestelle veur De 3-kes radio
-Thoésleed beluustere of meizinge (niej leedje)
-Intern aafscheid neme

-Truukblik in ‘De Keus van…’ op regeerperiode & tips veur de opvolger
-Meugelikheid tot ‘t toetraeje tot de Ald-Thoés-Narre-club