’t Vastelaoves Virus Vraogespel in Pey en Ech

Echt-Susteren
SPEEL ’T VASTELAOVES VIRUS VRAOGESPEL MIT! SJRIEF DIEN TEAM NOE GRATIS EN VÄÖR NIKS IN VIA https://forms.gle/qN9uWsUSxG4EWYwJ7

’t Zeen gekke tieje, mer noe effe neet vanwaege Corona; nae, de vastelaovesgekte stuit weer väör de däör! Laot dich besmètte mit ’t vastelaoves-virus en speel mit op zaoterdig 23 JANNEWARI en/of zaoterdig 30 JANNEWARI 2021 aan ’t Vastelaoves Virus Vraogespel. Aanvank 20.00 OER. C.V. De Aester, V.V. De Aester Sjaelen Uul en streekómroop SOL2, organisere same dees oetdagende, hilarische, gezellige en spannende quiz-aovendje.

Wèts dich beväörbeeldj alles van oos Limburgse vastelaovesartieste?
Kèns dich alle LVK nummers keihel mitzènge?
Haef Limburg “van Eijsden tót de Mookerhei” gein geheime väör dich?
Den is dees quiz ech get väör dich!

In 5 rundjes van eder 11 vraoge kèns se allein, of nog sjieker mit ’n team, dien kènnis teste äöver de Limburgse vastelaovend. Nao 3 rundjes is d’r ’n pauze mit ’n leuke (muzikale) verrassing! Woróm allein Limburgse vastelaovend? Der zeen ouch vraoge äöver Braobantj, Pruuses en wujer in de waereld. Nao aafloup make w’r de antjwaorde bekènd en weite w’r waem LIMBURGS QUIZ KAMPIOEN of nog sjieker VASTELAOVES VIERDER VAN LIMBURG 2021 is gewore.

Dees bezunjere belaeving volgt g’r live op TV (via Streek Omroep Limburg 2, SOL2) of via livestream op www.SOL2.nl. Deze is te óntvange via: Ziggo kanaal 48 (Noord- en Midden-Limburg), Ziggo kanaal 39 (Zuid-Limburg), T-Mobile kanaal 730, KPN en XS4ALL kanaal 1484.

Sjrief dien team noe GRATIS en väör niks in via https://forms.gle/qN9uWsUSxG4EWYwJ7. Nao insjrieving óntvungs se de verdere oetlik via mail. Haoj d’r raekening mit dets se dien antjwaorde vanne quiz mós inlevere via ‘n Google Formulier. ’t Höbbe van ein mobieltje/laptop mit ’n wirkendje internetverbinjing is dus nuuedig om deil te kènne numme.

Vastelaovend is ’n fieës óm SAME te viere mit vrunj, femilie en bekèndje. Kóm NEET ónnuuedig same, mer maak ’t gezellig op aafstandj! W’r haoje tiedes de opnames ummer de geljende Corona-maotregele in ach.

Vastelaovend weurtj mede mäögelik gemaak door de lokale horecaóngernummers.
Dènk ouch aan hun en haol väör dees aovendje beväörbeeldj ’n drankpakket bie dien lokale stamkroeg, verseer dien kamer mit vastelaovesartikele oet de lokale winkel of zörg väör get lekkers vanne lokale speciaalzaak.

W’r zeen uch gaer truuk op 23 EN/OF 30 JANNEWARI. Väöl succes en eine sjoane vastelaovend same!

Info

Wanneer: zaterdag 23 januari 2021 van 20:00 tot 23:30
zaterdag 30 januari 2021 van 20:00 tot 23:30

Terug naar evenementen