Op vriedaagmiddaag 01 maart
2019 is ’t weer zo wied… de
Sjolefestasie 2019!

De Sjolefestasie is de offesjele äöpening van de Vastelaovend in Remunj!
Dit ivvenement waert speciaal georganizeerd veur de jeug van Remunj en ómsjtreke. Mer neet allein de jeug is welkom; ederein kin mit ós mit komme viere deze vriedaagmiddaag.
’t Is ‘n graties en veur nieks ivvenement wó ederein, van jóngk toet aad welkom is, óm same mit ós de Vastelaovend in te loeje.
Van 13.00 toet 17.30 oer zólle diverse artieste, optraejes en meziek van oze eige hoes-dj zich aafwissele, zódet ’t plein oppe kop sjteit!!