Presentatie Vastelaovessprookje “Juul, de kleine kwânte kwakkert”

Weert

Wieërt, 17 september 2021

Beste Vastelaovendjvrînde,

Vriêdig 1 oktoeëber ésj zoeë wiêt. Kanseleer Jasper zal dan de ieërste eksemplare van ‘t

sprookjesbook métte titel “Juul, de kleine kwânte kwakkert” aanbeeje aan börgemeîster Raymond Vlecken en de prizzedênt vanne Samewirkende Limburgse Vastelaovesvereniginge, Bart Maes.

Vae zeen d’r gruuëts op det vae uch daovör vanaaf 20.00 oor moge nuuëje inne Paterskêrk oppe Beest (Biest 43, 6001 AP Weert). Dieës sprookjesechtige lokatie lieëntj zich beej uutstek um dit uniek sprookjesbook te prizzentieëre. Vae doon det mét e passendj program, op maot gespuuëldje livemeziek en e klein hepke en e drênkske. Dit alles ouch as opmaot nao de Gulden Humor op 26 en 27 november mét ’t thema “Sprookjes bestaon”. ’t Book zelf zal dao neteurlik ouch te koup zeen.

Vae stélle ’t hieël êrg op priês ajje beej dieës prizzentatie aanwieëzig wiltj zeen. Wildje os vuuër 29 september laote wieëte of vae uch waal of neet moge verwachte? Det kân doeër ’ne e-mail te steure nao info@guldenhumor2021.nl.

Hoeëpelik zeen vae os vriêdig 1 oktoeëber inne Paterskêrk in Wieërt.

Mét sprookjesechtige en vrîntelike vastelaovendjgroete,

Kanseleer Jasper Heesakkers Roger Jansen

Vuuërzitter a.i. V.V. de Rogstaekers Vuuërzitter Stichting Gulden Humor Wieërt

Info

Waar: Paterskêrk oppe Beest (Biest 43, 6001 AP Weert).

Wanneer: vrijdag 1 oktober 2021 van 20:00 tot 22:00

Terug naar evenementen