Pötter Revue - PötterVision AFGELAST

Beekdaelen
Leef Pötterkes & Pötterinnekes,V'r hubbe gewikt en gewoage, alle veurs- en taeges taegenein aafgewaegd. Mit ontzettend veul pien in os Vastelaoves hart hubbe v'r net besjloate om de Revu aaf te lasje. Oetgeraekend in os jubileumjoar is het os neet gegund. V'r hauwe zo gaer nog ene Prins aan dees foto toegevoegd mer 't mocht neet zo zeen.Volgens de momenteel geldende regels hauwe v'r alles door kènne laote goan mèr gezeen de huidige situatie wilt het Revu Comité zien verantwoording numme.V'r goan naodènke euver een mooi alternatief veur uch en laote uch zoë sjnel meugelijk get weite. Bedankt veur alle aanmeldingen, kaarte die gekoch zeen, inzet en medewerking van eederein. Auch realisere v'r os dat dit biej menigein ger vroage opreup. Op die vroage hubbe v'r vanaovend gein antwoord, mer num van os aan dat alles netjes wiërt opgelost.Leef luuj van Pöt, hauwt uch good, bedank veur de sjteun en hopelijk tot gauw.'t Revu Comité.

Info

Wanneer: zaterdag 13 november 2021 van 19:00 tot 23:59

Terug naar evenementen