Opening seizoen Pinmaekers en presentatie Borebroeedspaar

Nederweert

Opening seizoen 2019-2020

11 november 2019


Opening seizoen en bekindjmaking boorebroedspaar 2020

Vastelaovundjvereiniging De Pinmaekers opentj ut nowe vastelaovendj seizoen op maondjigaovundj 11 november 2019.

Um 19.00 oor waere de lede met partner, juniore, de dansmarietjes en alle belangstellendje verwachtj bi-j Cafe De Schans op Budschop.

Van dao oet vertrekke vae same met oos Hofkepel Klein Mer Neugter in optocht, nao Lambertushof.

Oppe Lambertushof is vanaaf 19.33 oor ein fieëstelik pregramma en
zulle de dansmarietjes, De Ni-jwieërter Pinkus en Hofkapel
Klein Mer Neugter ein optrejje verzörge.

Openings ceremonie
Hoeëgtepuntj van de ceremonie is neteurlik ut plaatse van ut
sezoens kunstwerk door aod prins Harm en prinses Monique en aod Jeugdprins Armin en Jeugdprinses Indy

Ut kunstwerk de törf met zeve pin zal de hieële vastelaovundj symbool staon vör alle Pinmaekers.

Jubilarissen
Tieëdes de ceremonie zulle drei-j jubilarisse waere gehuldigdj, Jack van Bilsen 22 jaor lid, Stefan Mertens en Maikel Vaes beide 11 jaor lid.

2 x 11 jaorig Jubileum jeugd

In 2020 veertj oos jeugdaafdaeling eur 22 jaorig bestaon. Op 24 november zal ut jubileum jeugd prinsepaar waere oetgerope, op zaoterdig 18 januari volgtj de groeëte jubileum jeugd prinsereceptie, en op 7 februari zal ut jeugdprinsetreffe 2020 plaatsvinge in Ni-jwieërt.
Op de 11e van de 11e zal ut officiële startsein waere gegaeve vör ut jubileum van oos jeugdaafdaeling.

Boorebroedspaar 2020

Ouch dit jaor is de bekindjmaking van ut Boorebroeedspaar 2020 tieëdes de opening van ut sezoen. Eder jaor wurtj ein waek veur de Vastelaovundj in Ni-jwieërt de Boorebroeluft gehojje en komendj jaor vör de 41e kieër !

Ut boorebroedspaar zal bekintj gemaaktj waere door de ambtenaar van de borgerlikke standj Giel Bruijnaers.
Nao de bekindjmaking zal ut boorebroeedspaar, de femeilie en alle belangstellendje mei-j gaon nao keffee de Schans um ein toast oet te bringe op ut nowe vastelaovendj seizoen.

Installatie now lede
Bi-j trök komst in keffee de Schans zal Harm Kuijpers officieël as now lid geinstalleerdj waere. Teves waere Tijmen Lemmers, Armin van den Molengraaf, Indy Heuyerjans, Linn van Eijk en Dorian Beijes geïnstalleerdj as juniorlid.

Afscheid van Residentie
Hieël völ jaore maakdje V.V. De Pinmaekers gebroeëk van un residentie. Vanaaf dit jaor make vae tieëdes ut seizoen gebroeëk van de gastvrijheid van diverse horeca gelegenhede in Ni-jwieërt.

Info

Waar: Cafe De Schans op Budschop

Wanneer: maandag 11 november 2019 van 19:00 tot 23:59

Terug naar evenementen