Oad op Nuuj Mheer

Eijsden-Margraten

ZOONDIG 10 NOVEMBER: OAD-OP-NUUJ i KAFFIE QUAANTE i MHÈÈR

Op zoondig 10 november zal veer wer ut nuuj Vastenaovessezoen inluuje

mit os jaorliks Oad-op-Nuuj. Veer zalle dan letterlik van ut oad nao ut

nuuj Karnevalssezoen insjtappe en dat dunt veer dan mit uursj èè paar

plichtpleginge en daonao Karnevalssjtimming en um twelluf oor veer veer

dat ut eindelik d'r illufde van d'r illufde is.

Es uursjte

plichpleging zalle os Preenses Rianne I en JeugPreenses Serena I hun

Preensefoto (of èègelik: Preensessefoto) in os Preensegalleriej plaatsje

zoedat veer os tot in lengte van jaore an hun blieve herinnere es

Hiersjers uvver ut Sjravelerre-riek. Daonao huldig veer ozze jubilaris

Fons Bastings dèè 11 jaor lid van de Sjravelerre is. Es Preens Fons d'r

Uursjte regeerde hee in 2009 uvver ut riek van de Sjravelerre en daonao

is hee lid gebleëve van de Karnevalsvereniging. In 2010 is d'r Fons

sekretaris gewore bie en dat is è huuj nog ummer.

Es dat

allemaol achter d'r ruk is kint ut loos goe. Um eederèèn alvas veur te

bereide op ut nuuj sezoen hub veer och un aantal artieste die vur uch

gunt optrèèje zoedat de KArnevalssjtimming al vanaaf ut begin dreen zit.



Ut bekinde Duo X-Elle oet Mestreech zal mit hun

aansjtekelikke leedsjes zekker de tèènt op d'r kop kriege. Dis twie

dieke vrindinne hubbe hun sjpore al hiel diek verdeent in d'r

Vastenaoeves wèèlt. Hiel diks in de finale gesjtaande van ut LVK en of

dikser ut Mestreechs leedsjeskonkoer gewonne. Zie hubbe och al dikser in

Mhèèr opgetrooje dus ze wète wat hun te waachte sjtèèt.

Christian & Jos trrojte och al dikser op i Mhèèr mè miestal appart.

Sins verlèèje jaor zunt zie è duo en dat good oetgepak. Ze wore al te

zie tijdes de finale van ut LVK, bie Carnavallissima, bie ut

Karnevalskonzèèr i Groonsvèèld mit laajf begeleiding van de harmeniej va

Groonsvèèld en och op de Groete Gulpener Vastenaovesfinale. Umdat d'r

ène va Mhèèr is en d'r aandere va Voere kin veer hun è echt grensgevaal

neume. Ze zeuke de grenze op en gunt af en toe och wal ins druvver

heen...

Um exak twelluf oor zal Preenses Rianne I same mit

JeugPreenses Serena I mit d'r raod van illuf in vol ornaat nao binne

komme umdat dan ut Vastenaovenssezoen éch begonne is. Mit confetti en

och è glaas champagne vur eederèèn wurd dan ut nuuj Karnevalssezoen

welkom gehèèsje. Daonao gèèt ut nog deur pus.... wèèt veer nog neet...

Kom allemaol op zoondig 10 november nao Kaffie Quaante um alvas te

preuve van wat ut nuuj Vastenaovessezoen vur uch in petto hat. K.V. de

Sjravelerre nuudigt uch allemaol van harte oet, verkli-jt of

oonverkli-jt !!

Info

Waar: Cafe Quanten Mheer

Wanneer: zondag 10 november 2019 van 12:00 tot 18:11

Terug naar evenementen