Leedjesaovendj Kwiebusse Naer AFGELAST

Leudal
Leef Kwiebusse en Kwiebussinne,Helaas motte we uch weer minder good noeëts bringe. Wae haaje ’t hiël gaer angers gezeen mer gezeen de aangesjerpte regels gaon wae de leedjesaovendj nogmaals oetstèlle nao eine nader te bepaole datum haopelik in januari. ’t Is jaommer det ‘t neet door kèn gaon mer ’t is neet angers.Verder wille we uch waal zègge det wae op ’t moment det d’r weer get mäögelik is om op ein fatsoenlike meneer get te organisere we det neet zölle laote.Wae wille niks lever as same mèt uch vastelaovendj veere!Haod vol, gaef neet op èns geit de kwiebus weer väörop!v.v. de Kwiebusse


Leef Kwiebusse en Kwiebussinne,Nao t oetsjtèlle van t vorstoetrope motte wae uch helaas vertèlle det wae ouch de leedjesaovendj gaon verplaatse nao eine angere datum.Wae zeen op dit moment neet de mäögelikheid om de leedjesaovendj door te laote gaon. Wae haope det wae op ein later moment dit waal kinne organisere en daomèt alle energie en tiëd die oos artieste d’r in höbbe gesjtaoke kinne beloeëne mèt eine sjoeëne leedjesaovendj.Aangezeen det wae van meining zeen det wae oze leedjesaovendj ’t leefst wille haoje väör de LVK halve finale bekèndjmaking gaon we de leedjeaovendj väör alsnog haoje op zunjig 12 december. Wae motte daobië waal zègge det wae de persconferentie van 3 december aafwachte en den definitief ein beslissing make of t waal of neet door geit.Waat betreft t vorstoetrope wille wae det laote plaats vinje op zunjig 2 januari. Mer ouch dit zal aafhankelik zeen van situatie en de den geldendje regels.Wae vinje ’t ontzettendj jaommer det wae oos activiteite neet kinne haoje en belaeve zoeë as wae det gewèndj zeen. Wae kinne allein mer haope det we sjnel oet deze gekke en vervaelendje tiëd kome.Haotj uch good en blief gezondj!Vastelaovesvereiniging de Kwiebusse

Info

Wanneer: zondag 12 december 2021 van 13:11 tot 18:11

Terug naar evenementen