Jubileumweekend GMV de Plaggenhouwers

Horst aan de Maas

Zoë-as geej misschien weit besteit GMV de Plaggenhouwers dit jaor mar lifs 6x11 jaor. Dit meug gevierd waere vinde weej en daorum nuüdige weej ôg oët um dit met ôs meij te viere op 16 en 17 november a.s.

Jubileumweekend op 16 en 17 november

Op vriëdig 16 november wuurd d’r enne jubileum zittingsaovend gehalde in ‘t Haere. Naeve de bekende gezichte vân now zulle in deze jubileum edisie tal van artieste oët de alde doës op de buun staon.

Dink aan Sjeng & Sjang, Soixante Neuf, Bob & Roel, Plagiaat en nog vuul miër alde bekende... Dit alles opgeluusterd door de good old EJ Band. Allein mar artieste oët Grubbevors! Dât belaofd enne alderwets gezellige aovend te waere met traön euver de wange vân ut lache.

Daags d'r nao (zaoterdig 17 november) waere de aafgelaupe 66 jaor dunnetjes euver gedaon met enne groëte fiësaovend. Dizze aovend zal opgeluusterd waere daor de top artieste die ôs dörp riëk is. Dao naeve zal 'de mooder van de Limburgse vastenaovend meziek' op de buun verschiëne. Neemes minder âs Beppie Kraft zal d'r vur zörge dât ut daak van 't Haere aaf geit.

Reeje genôg um dees twië daag alvâs te reservere in ôgge agenda, geplânde vakansies en verjeurdage aaf te zegge en alvâs enne oppas te regele as dât nuüdig is.Halt de kômmende maonde de sosjiale media in de gate vur miër updates!

Info

Waar: 't Haeren Grubbenvorst

Wanneer: vrijdag 16 november 2018 van 20:00 tot 23:59
zaterdag 17 november 2018 van 20:00 tot 23:59

Terug naar evenementen