Elf van Elf Venlo AFGELAST

Venlo
Jocus bluuës evenement Elf van Elf aaf.Vanmiddaag woort duudelik det op grond van ein algemeine aanwiézing van de Veiligheidsregio Limburg-Noord de Gemeinte Venlo gén vergunning zal verliëne veur Elf van Elf. In naovolging heej op zal Jocus dan auk zien geplande activiteite veur 11 november laote vervalle. Weej ônderschriéve ’t belang van de gemakte keuzes vanoét ’t perspectief van ôs gezamenlikke verantwoordelikheid nao ôs bezeukers, de zörgzector en de samelaeving as gehiél. ’t Aantal corona besmettingen mit name in Noord-Limburg is hoëg en nog altiéd greujende, de provincie kleurt donkerroëd, de belasting veur Viecuri en andere zörginstellinge is groët. Onder det gesternte woort ein groët publieksevenement op dit moment neet passend geach. “Jocus haet door de jaore haer laote zeen det de organisatie van joeks en jen beej eur in miër as gooje hand is. Taegeliékertiéd is ’t auk de vereiniging die verantwaordelikheid neemp en wet wanniër zake belangriéker môtte waege dan ’t plezeer van det moment” aldus Roel Versleijen, voorzitter en Vors Joeccius XI van V.V.G. Jocus. “D’r is door vuuël van ôs vreejwilligers van de vereniging, same mit de horecaondernemers van Stichting Horeca Altstad Venlo (SHAV), vuuël tiéd en energie gestaoke in alle zörgvuldige veurbereidinge. Helaas zulle dees inspanninge – veur ’t twiëde jaor op riej - in Venlo neet kinne waere verzilverd in ein joeksig äöpeningsfees van ’t vastelaovesseizoen.”Op 11-11 zal waal d’n iërste “Opstaeker” waere verkoch, en zal auk de nieje Jocus CD mit onder andere de veer winnende leedjes van dit sezoen waere geprissenteerd. Auk de Groëte Prônkzitting op zaoterdaag 13 november zal doorgang vinde; heejveur zien nog inkele kaarte te kaup via www.jocus.nl.

Info

Wanneer: donderdag 11 november 2021 van 11:11 tot 19:11

Terug naar evenementen