Cultureel Lint Weert: Vör eîne kieër Preens

Weert

Cultureel Lint: Vör eîne kieër Preens

D’r weurtj eder jaor mèr eîne persoeën Preens of Jeugdpreens, mèr d’r zeen d’r hieël völ deej ’t ontieëgelik gaer zoeëje wille waere. Tiedes ’t Cultureel Lint op zoondig 23 september kriegdje efkes di-j muuëgelikheid. Vae doon uch de mântel um en zette uch de staek op. Gae klumtj inne optochtwage en kuntj van dao uut zeen waat de Preens en Jeugdpreens tiedes de jaorlikse Groeëte Rogstaekersoptocht zeen.

Gewoeën uch efkes Preens of Jeugdpreens veule. Kotj daorum nao de Nowwe Mêrrentj, vae staon d’r mét ’n schoeëne optochtwage.

Cultureel Lint: Preens raoje

En as dejje dao boeëve op dae wage hetj gestânge, dan kujje ouch nog kâns make op gratis kaartjes vör de Boonte Aovendj of Boonte Femiêlie Middig. ’t És nog waal wiêt e wègk, mèr det guftj uch de tiêd um lekker lang nao te dînke oeëver weem de Preens en Jeugdpreens zoeëje kunne gaon waere. Det raoje gebuuërtj al eder jaor en dit jaor make minse di-j ’t good hebbe geraoje kâns op twieë kaartjes vör de Boonte Aovendj op goonsdig 6 fibberwarie (Preens) en veer kaartjes vör de Boonte Femiêliemiddig op zaoterdig 9 fiberwarie (Jeugdpreens).

De winnaars van dieëze wedstriêd waere nao de uutrooping vanne Jeugdpreens op zoondig 3 fibberwarie 2019 bekindj gemaaktj. ’n Daelnameformeleer kujje aan optochtwage invölle of ouch oppe website.

Info

Wanneer: zondag 23 september 2018 van 13:00 tot 18:00

Terug naar evenementen