Vör völ minse és 't Boorebâl 'n evenemênt waat onlosmakelik verbônge és met de naderendje vastelaovendj:
"Zoonger boorebâl heb ich geine vastelaovendj", zégke ze dan. Ouch dit sezoen és dur weer un fieëst oppe maondjigaovendj, umdet 'ne knappe jong en 'n net maegdje vör eine aovendj e getrawdj stelke zulle zeen.

Boorebâl 2020

Gaojae mej nao ’t Boorebâl? Laotj uch as boor ’s bekiêke. In ‘n schört of boorekeêl, achter oeës boorehermenieke…

Maondjig 10 fibberwarie ésj weer zoeë wiêt, dan gaon de Wieërter boore en boorinne weer de stad in. Um 19:30 oor wûrtj vuuër Brasserie d'Oude Markt oppe Mêrrentj ’t boorebroêdspaar van 2020 bekintj gemaaktj met as hoeëgtepeûnt de verbînging inne onecht doeër Preens Tim I en menieër d’n Daeke zelf. Um 21:00 oor ki-jjae ’t gezelschap ‘n héndje schödde beej De Apostel inne Bieëkstraot. Daonao zâl ’t boorebroêdspaar met heûr hieël femiêlie de stad doeër gaon en ésj inne álle kefees haole klot. Um 00:00 oor zâl ’t huwelik ontbónge waere, mer dés nog gein rieëje um nao hoês te gaon.