Bliërick trap aaf

‘Bliërick trap aaf’

Onder ’t motto ‘Dao genete weej van’ tummert Vastelaovesgezelschap ‘de Wortelpin’ aan de waeg nao Vastelaovend 2022. Op zaoterdaag 13 november 2021 wuurt in ’t Raodhoes ’t ierste evenement ‘Bliërick trap aaf’ (veurhaer Prónkzitting) van ’t Vastelaovesseizoen 2021/2022 georganiseerd. Zónder de Liedjesaovend op zaoterdaag 2 oktober 2021 tekort te doon, ’t officiële Vastelaovesseizoen begint noow einmaol iers op ‘de elfde van de elfde’.

Tekortdoon? Intaegedeil zelfs. Veur de deilnemers aan de veurselectie van de Liedjesaovend haet Vastelaovesgezelschap ‘de Wortelepin’ iets in petto. Alle deilnemers waere oetgenuuedig um, begeleid door de Hofkapel, tiedes ‘Bliërick trap aaf’ eur passie veur ’t zinge op de buun te bringe.

‘Bliërick trap aaf’ zal ‘n hoeëg zang- en meizinggehalte kriege. Daonaevebeej zal aan ’t programma van ‘Bliërick trap aaf’ mier ingrediënte waere toegevoeg. ‘ne Aovend um nao oet te kieke én veural um beej te zien! Mier info volg.

Info

Wanneer: zaterdag 13 november 2021 van 20:00 tot 23:59

Terug naar evenementen