Zaoterdag 15 juli heet de selectiekemmisie MVK oonder de vlag vaan ’t SMV de 23 inzendinge beoordeilt. Zie zien gekoume tot 7 leedsjes die in de finale goon oetmake mét welk leedsje Mestreech de Vastelaovend vaan 2024 in geit. De 7 finaliste zien;

• In Mestreech! - Noël Fabry en Raymond Pauw
• Hool oet ‘t leve wat drin zit - John Wijnands en Hub Kuijpers
• Op ze Mestreechs - Patrick van de Weijer/ Jopyce Kuppens/ Marvin Rosier m.m.v. Hub Kuijpers
• In Mestreech - Patrick Jaspers
• Druime - Fred Mennen en Patrick Ummels
• Oonder de vleugels - Patrick Keerssemeeckers en Nico Heutz
• Dao höb ste gekke Net - Patrick Keerssemeeckers en Nico Heutz

Zaoterdag 11 november, op de start vaan ’t veijfde sesoen, zal de finale plaotsvinde in de meziek Gieterij. Dees finale zal daan um 14.11 oor beginne en 17.30 oor zal ’t winnende leedsje bekind zien zoetot ’t vastelaovend vierend volk vaan Mestreech ’t winnend leedsje mét kinne numme naor de kaffees in us stad.

Insjrieving Vastelaovendsleedsje 2024 vaan start.

Mét Vastelaovend 2023 nog veers in ‘t geheuge is ‘t SMV alweer bezig mét de veurbereijing veur de verkeezing vaan ’t nuij Vastelaovendsleedsje 2024. Aogeloupe sesoen is dao ‘nne nuije weeg ingeslaage um ’t evenemint vaan de verkeezing oonder aondach vaan Vastelaovends vierend volk vaan Mestreech te bringe. Zoe zal de verkeezing vaan ’t nuij vastelaovendsleedsje plaotsvinde op de zaoterdag vaan de 11^e vaan de 11^e of op de ierste zaoterdag nao de 11^e vaan 11^e. Dit zal jaor zal dit dus plaots vinde op de 11^e vaan 11^e, euver de invölling vaan deen daag koume veer op e later tiestip trök. Mér um ‘t evenemint te kinne organisere höbbe veer leedsjes nudig zodat de selectiekemmissie weer de beste leedsjes kinne selectere veur de finale op 11 november in de meziek gieterij.

Veer doen daan ouch nne oproop aon Mestreech um in de pen te klimme en begin ’t sjrieve vaan e nuij leedsje. De selectiekemmisie zal op 15 juli de zwoer taak op ziech numme um te koume tot 7 finale leedsjes.

‘T insjriefformulier en regelemint kint geer vinde op www.smv.nl en zörg daan dat ‘t insjriefformulier uiterlik goonsdag 12 julli 24.00 oor is ingelieverd op adres Waaygaard 17, 6227 HL Mestreech.