Bekendmaking eerste Jocus Venloosch Vastelaoves Kefee in Venlo

Venlo

Iërste Jocus Venloosch Vastelaoves Kefee zaoterdaag bekind

Gegevens

Op zaoterdaag 22 september waere de iërste kefee's bekind gemak die 't veurrech kriége verliënd de titel "Jocus Venloosch Vastelaoves Kefee" te gaon veure. Zeej waere door de veurzitter van Venloosch Vastelaoves Gezelschap Jocus, d'n hiër Roel Versleijen, bestaoke mit 't beej dit predikaat behuurende schildje.

’t Initiatief “Jocus Venloosch Vastelaoves Kefee” woort aafgelaupe vastelaovend gebaore mit as doel um de binding tösse de kefee’s en Jocus te versterke. Auk haet ’t as instaek um de sfeer en aankleiding van de kefee’s tiédes Vastelaovend te stimulere. Want oétintellik make weej de vastelaovend same.

De criteria veur 't toekinne van 't predikaat "Jocus Venloosch Vastelaoves Kefee" zien opgesteld door de Venlonaere zelf. Via ein peiling op de Facebookpoagina van Jocus kôs de Venlonaere aangaeve welke beoordeilingscriteria zeej belangriék vonde. Tiédes de aafgelaupe vastelaovend hebbe ônaafhankelikke "spienzers" dees criteria in de diverse kefees beoordeild. Kefee's hebbe daobeej 1, 2 of 3 sterre kinne behaole.

Op zaoterdaag 22 september waere de kefee’s bekind gemak die bekroënd waere mit 3 sterre. As extra waardering meuge zeej tiédes Opus Jocus Leedjesaovend plaatsneme in ein speciale zjurie.

De kefee’s die 1 en 2 sterre hebbe behaold waere in de aanlaup nao Elf van Elf bekind gemak en bestaoke mit de beejpassende schildjes.

Info

Wanneer: zaterdag 22 september 2018 van 11:11 tot 23:11

Terug naar evenementen