ALVK Alternatief Limburgs Vastelaovesleedjes Konkoers

Echt-Susteren

Persberich

2 extra plaatse besjikbaar veur ALVK 2019!!

Zaoterdig 2 februari om 13.11 oer wurdt in de Harmoniezaal in Zöstere het Alternatief Limburgs Vastelaovesleedjes Konkoer, of te waal het ALVK, gehauwte. Via feesboek zeen de achterligkende daag al ein aantal deilnummers aan uch veurgesjtedt. Zie wore der sjnel bie en daomit verzekerd van ein finaleplaats.

De organisatie is euversjtelp mit aanvraoge om alsnog deil te moge numme. Ondanks het feit det de aanmeldjtermien versjtreke is, is nao intensief euverlegk mit diverse hulp-verleningsinstanties besjlaote om 2 extra finaleplaatse besjikbaar te sjtelle.

Aanmelje kent via ALVK2019@gmail.com mer ben der sjnel bie want vol is ech vol.

Volges Rob Bakkes van Ohne Bezei, die het evenement dit jaor moge organisere, löp de organisatie wie eine witte wek. Bénnekort waere de name van de juryleeje officieel bekend gemaak mer Rob durf al aan te gaeve det, waarsjienlik om het niveau van de deilnummers te compensere, het niveau van de jury ongekend hoag is.

Nadere details euver het ALVK volge nog via de diverse media. Noteer in jeder geval:

2 februari 13.11 oer Harmoniezaal Zöstere, ALVK, vet ongersjtreep in de vastelaovesagenda!

En veur de potentiële deilnummer guldj wie ummer:

MITDOON ALTERNATIEF LEEDJES KONKOER, SJLECHTE MEZIEK EN SJLAP GE-AUWHOER!

Info

Waar: Susteren

Wanneer: zaterdag 2 februari 2019 van 13:11 tot 23:59

Terug naar evenementen