6 x 11 Jaor CV de Thietuite Lomm AFGELAST

Venlo
Lieve Thiëtuite en thiëtuiterinnekes,Zoeâs geej wet zien d'r gistere ni-je maatregele aangekondigd vûr de kommende periode, un periode woarin ôs 6X11 jubileum gepland stond. Dôr dees maatregele zien weej genoedzaakt ût 6x11 jubileum wiekend op te schorte tot un passend moment.Helaas kunne weej vanaaf dees plâts ni zegge wannier dit passend moment zal zien. Wat weej wal wiete is det wannier weej ôs 6x11 jubileum wiekend goan viere, weej ût good wille viere en mit iederien.Wat weej âs verieniging good wiete is hoevûl minse weej helaas teleur motte stelle mit ût verplâtse van ôs 6x11 jubileumwiekend. Doarum wille weej vûr nou idderien bedanke dea zich de letste tied ingezet heat op welke manier dan ôk.Dink aan de commissies die ût 6x11 jubileum tot in de puntjes georganiseerd hebben;Ôs gewaardeerde sponsore die ôs bestoan meugelik make;Maar zeker ôs bezeukers, woarmeij weej al joare onze carnavalsfiëste meij aanzwingele.Wat ôs te verwachte stiet nao 3 december is helaas ni te veurspelle…Wal wiete weej det wanier ût wir meug, weej d'r wir un fiës mit en vûr och van goan make zoeâs geej gewind ziet. Mit dees intentie goan weej door mit ût organisere van ût ni-je carnavalsseizoen.Vanaaf dees plâts wille weej och allemoal vûl gezondheid toewinse in dizze onzekere tied en hoape och snel wir te meuge ontvange.Ût bestuur

Info

Waar: Lomm

Wanneer: vrijdag 26 november 2021 van 18:44 tot 23:59
zaterdag 27 november 2021 van 18:44 tot 23:59

Terug naar evenementen